News IN (Ilocos Norte): SAND BOX unboxing with Sandro Marcos

https://youtu.be/Jf_QBW-d6HI
NEWS:LINE
Kristy
Headlines/11202017   Governor marcos, naiget ti panangsuportaranna ti pannakaisayangkat ti   universal children’s  day   Vice governor barba,   inbilinna ti panangiyuswatda  ti occular inspection iti dalan nga agturong idiay sitio bucarot, adams   SPM Manotoc,  madama ti panagatendarna iti children’s  games   Sangguniang panlalawigan,   nabukeldan ti committee on public  works   Serbisio ti sirib express, naidiaya kadagiti agtutubo idiay Sarrat national high school   Idiay dumalneg,  kalikagumda a malukatan ti  bantay sinuman a kas paghikingan dagiti tourista   Dadduma  nga species ti ikan, maadal para ti  nalawlawa a produksion   Ellen adarna,  masikog ken kompirmado a ni john lyod iti ama     Frances Alegre/ 112012017  Gov office   Naiget ti panangsuportar ni governor imee marcos iti selebrasion ti childrens month wenno universal children’s day inton bigat November 21, aldaw ti martes idiay centennial arena.   Daytoy ket babaen ti panangipasiguradona a balliggi ti panangiyuswatda kadagti nagduduma nga aktibidad kas wagas a panangselebrarda kas iti vocal solo ken draw and tell competition kadagiti day care centers.   Imbatad ni governor marcos a maysa daytoy a wagas tapno matakwatan  ti nagduduma a talent dagiti ubbing iti nasap-sapa pay nga aldaw tapno iti kasta ket mapalawa iti  talento nga adda kadakuada.   Manam-nama a ti nasao   a selebrasion ket atendaran ni  governor marcos kas panangipakitana iti suportana  kadagiti ubbing iti day care centers.   Naamwan a ti tema ti selebrasion ti children’s day ket  ‘bata iligtas sa droga”.  =30=     Frances Alegre/ 112012017 Vice gov Barba   Masapol a maisayangkat ti ocular inspection iti pagnaan  nga agturong idiay  sitio bucarot adams.   Daytoy ti imbatad ni vice governor angelo marcos barba kas paset ti panangiplanoda nga agturong iti nasao a lugar a panangiyuswatand iti out of the capitol session.   Imbatad ni vice governor barba a nasken  a kitaenda ti dalan a pagnaan tapno maipasigurado a saan nga agpalyar iti panangiyuswatda  ti regular session.   Ti nasao a lugar ket  narigat a madanun gapu ti saan a napintas  a dalan a pagnaan pakairamanan pay ti panagdalyasatda kadagiti karayan ken nagalis a dalan.   Mainaig  iti daytoy, kuna ni vice governor barba a no  nalidem a makapagnada  ti dalan iti adams ket kitaenda no mabalinda a magna iti calanasan apayao nopay  pagam-amkanda gapu ta dakkel ti oras a makonsumo iti panagbyaheda.   Ti sangguniang panlalawigan babaen ti panangidaulo ni vice governor barba  iti nagkalikagum a maisayangkat ti out of the capitol session  inton bulan ti enero iti umay a tawen.  =30= Frances Alegre/ 112012017 SPM Manotoc   Nagatendar ni senior board member matthew marcos manotoc iti  panaglukat ti childrens games idiay centennial arena iti laeng immun-una a gundaway.   Daytoy ket ti gagarna a mangkita ti panangiyuswat ti childrens game iti kaunaan a gundaway a panangangay ti gobierno probinsial babaen ti tulong dagiti dadduma nga ahensias ti gobierno.   Kuna ni bokal manotoc a maragsakan a naipursige ti pasalip ti childrens game gapu ta maysa daytoy kadagiti wagas a maitandudo  ti napintas a life style ken agbalin dagitoy a nakired.   Sumagmamano kadagiti  pasalip ti childrens game ket ti kadang kadang, entrance, bawang based ken dadduma pay a kadaanan  nga ay-ayam dagiti ubbing.   Ni bokal manotoc  ken Philippine sports commission wenno psc ti  timmulong tapno mapagbalin ti konsepto iti childrens game.  =30=     Frances Alegre/ 112012017 Sangguniang panlalawigan   Nabukelen ti committee on public works and highways iti sangguniang panlalawigan.   Daytoy ket kalpasan a  pinagsina ti hunta probinsial   wenno pinagbalinda a dua a committee ti committee on public works, transportation and communication.   Segun ken ni abc president paulino baltazar, chairman ti committee on public works,  napili a da bokal nonong marcos, atty da vinci crisostomo,  atty Donald Nicolas, ken  atty vicentito lazo iti kadwana a nangbukel ti  nasao a committee.   Gapu iti daytoy, manamnama  nga ad-addanto nga agbalin a direkta iti panangsolbarda  kadagiti   parikot seknan ti infrastructures  projects a maiyuman kadakuada.   Ni abc federated pres. Baltazar ti napili kas chairman ti nasao a committee gapu ta isuna  ket lisensyado a civil engr.  =30=     Frances Alegre/11202017  Sirib express news   Maidiaya ti nagduduma a serbisio  ti sirib express  kadagiti amin nga agtutubo ken estudyante idiay Sarrat national high school.   Dagiti maidiaya a serbisio ket ti panagkiddawda ti seedlings, ken dadduma pay a  panagsanay seknan  ti basic photography, automotive  servicing, ken dadduma pay agpannuray iti  kayatda a topiko.   Malaksid iti dayta, mabalinda  pay a gundawayan iti panagapilkarda a kas scholars iti probinsia.   Segun iti ilocos norte youth development office, narway dagiti estudyante  ken agtutubo nga agkalikagum a  manggundaway iti serbisyo.   Ni bokal manotoc ti madama  ti panagatendarna idiay sarrat  iti agdama  tapno personal a maamwanna dagiti   kasapulan a serbisyo dagiti agtutubo  ken  estudyante idiay sarrat.  =30=      Frances alegre/11202017  Tourism news    Idiay dumalneg,  kalikagum ti gobierno municipal a malukatan ti  kabantayan a paset  tapno maidiaya ti hiking activity  iti nadakamat a lugar.   Daytoy ket kalpasan nga  itay kallabes addan ti  maysa a grupo dagiti hikers iti balligi a napan  ummuli iti  bantay  a pakakitaan kadagiti nagduduma a  klase ti falls kas ti mataltala, calaw, ken danaw falls.   Basar iti  municipal  tourism officer, agarop maysa nga oras ti hiking  nopay no magna iti bangir a paset ti bantay ket mabalin  a kasapulan pay laeng iti panag over night.   Iti agdama, impampamuspusan ti gobierno municipal ti dumalneg   a malukatan ti simple a dalan para ti panaghiking dagiti tourista tapno saanda unay a marigatan.   Naamwan  a ti dumalneg ket nagbalin a nalatak gapu ti kapintas ti   picnic groove a daydaywenen dagiti tourista.  =30=     Frances Alegre/11202017  Marine and fishery news   Madama ti panangadal  ni mr Arthur valente, provincial fishery coordinator ti panangpaadu  ti produksion ti dadduma nga species ti ikan malaksid  laeng iti tilapia.   Sumagmamano kadagitoy ket ti indigenous species kas ti gurami, tutot, ken dadduma pay wild fishes.   Kuna ni mr valente  nga iti papauna ket addan  dagiti programa a madama a maiyim-implementar para ti panangtaripato ken panangpaadu kadagiti klase ti ikan.   Kabayatana, narigat a mapaadu ti produksion ti  bangus ditoy probinsia gapu ta limitado ti lokasion a pagtaraknan saan a kasla idiay panggasinan ken kurang ti facilities iti nursery , nopay adda latta  dagiti sumagmamano nga agtar-taraken.    =30=      Frances Alegre/11202017  Showbiz Balita   Masikog ti  sexy star  a ni  Ellen Adarna, ken ti  matinee idol a ni  John Lloyd Cruz  ti ama ti sikogna.   Ni Ellen a mismo ti nangkompirmar kadaytoy a damage kadagiti sumagmamano a nasisinged a pagayamna.   Nangngegan pay daytoy nga imbaga ti sexy star a  29 years old  nga isuna ket masikog iti dua  nga okasion nga inatendaranna.   Segun ken ni  Ellen,  delikado iti panagsikogna.   Daytoy ti maysa pay kadagiti rasun a saanen a  pinabayag pay da John Lloyd ken  Ellen  iti panagbakasionda idiay  Europa.  Determinado da  Ellen ken  John Lloyd   a mangalaga iti sikog ti sexy star.    Iti daytoy a tawen, bimtak ti   damag  iti karelasion  ni  Ellen    ken john lyod. 
News IN (Ilocos Norte)

20220303

SAND BOX unboxing with Sandro Marcos

Slide Show

Make Some Chat Here!!!

Pabor ka kadi iti PDAF wenu Pork Barrel??
