SEN. BBM naglikodanna iti panakaidawit iti naganna iti "Pork Barrel" Scam

Local News//Bernard Ver

Saan nga immanugot wenu naglikodan ni Senator Bongbong Marcos nga kasali isuna kadaguiti maipagarop a nakapirma iti maysa a katulagan para iti maipagarop a ghost projects a naggapo iti mapagsasaritaan iti intero a pagilian a pork barrel scam wenu [Priority Development Assistance Fund] wenu PDAF.

Kunana, numanpay ada iti rumrumuar a damag nga ada iti naipila a reklamo kontra kenkuana, kinompirmaranna nga awan pay iti nakitana a papel iti mismo nga opisinana.

Patiennamet nga daytoy ket ada iti pakainaigan iti anumalia a napartuat ni Janet Napoles kasta pay keni Benhur Luy nga ita ket nagbalin a kas Principal witness iti Pork Barrel Scam.

Basar keni Senador Bongbong Marcos, maiyur-uray latta kadaguitoy a gundaway iti imbestigasyon iti biang iti Ombudsman ken kasta pay iti National Bureau of Investigation wenu NBI.

Malaguip nga nangipila iti anticrime crusader group a Citizens Crime Watch wenu CCW idi laeng kalman iti maysa a reklamo baben iti Ombudsman kontra kadaguiti maipagarop a mastermind iti nasao nga scam a ni Janet Lim-Napoles, karamannapay iti lima nga senador ken 23 nga representatives a naidawdawit iti P10 billion congressional pork barrel scam.

Senator Ferdinand "Bongbong" Marcos, Jr.

Impila daytoy ni Atty. Jose Villegas Jr., founder ken chairperson ti Citizens Crime Watch, karamanna ditoy ti reklamo a graft ken plunder kontra kada Senator Juan Ponce Enrile, Jinggoy Estrada, Ramon “Bong” Revilla Jr., Gregorio Honasan ken ni Sen. Ferdinand “Bongbong” Marcos Jr.

Malaguip nga  ti Citizens Crime Watch wenu CCW ti maysa nga civil society organization a nangisubmite iti korte suprema para iti temporary restraining order (TRO) a mangpasardeng iti panaka-release iti PDAF para ita nga tawen 2013.

 …Bernard Ver 9.14.13