Indeklara iti Sanguniang Bayan iti ili ti Piddig ti simbaan ti Saint Anne Roman Catholic Church a kas maysa a “heritage structure."
 |
| Saint Anne Roman Catholic Church - Piddig, Ilocos norte |
Babaen iti panag sponsor iti committee of the whole, naaiputar iti municipal council ordinance no. 2011-11-145, a mangipaneknek iti kadaanan a simbaan a kas historical landmark ken natural heritage.
Malaksid iti daytoy, bigbigen daguiti opisyales ti Piddig iti naisupsupadi a langa kadaguiti maibilang a kas colonial churches iti intero a probinsya ti Ilocos Norte, ngamin kakaisuna laeng a simbaan a naipatakder iti toktok ti bantay a sumango iti abagatan a passet iti ili.
Innayun pay iti ordinansa iti pannakarestore ken pannakatarimaan iti nasao a pasdek… Malaguip a narekeppan ti nasao a simbaan kalpasan a naduktalan daguiti inhinyero iti kinarukop daguiti poste ken dadduma pay a partesna.
Ditoy nga narikeppan ti simbaan babaen iti pammilin ni Bishop Renato Mayugba idi Septyembre 14 iti daytoy a tawen.
Umaboten iti 204 a tawenen a naipasdek iti St. Anne parish babaen iti kongregasyon ti Augustinian Friars idi tawen 1810. (Bernard Ver - Bombo Radyo Philippines)
